ਤਾਮਿਲਨਾਡੂ- ਪੁਲੀਸ ਕੋਲ ਦਰਜ FIR ਵਿੱਚ ਕਿਹਾ ਗਿਆ ਕਿ ਕਿ ਟੀਵੀਕੇ ਮੁਖੀ ਅਤੇ ਅਦਾਕਾਰ-ਰਾਜਨੇਤਾ ਵਿਜੇ ‘ਜਾਣਬੁੱਝ’ ਕਰੂਰ ਜ਼ਿਲ੍ਹੇ ਦੇ ਵੇਲੂਸਾਮੀਪੁਰਮ ਵਿੱਚ ਦੇਰ ਨਾਲ ਪਹੁੰਚੇ, ਜਿਸ ਕਾਰਨ 27 ਸਤੰਬਰ ਨੂੰ ਉਨ੍ਹਾਂ ਦੀ ਰੈਲੀ ਵਿੱਚ ਸ਼ਾਮਲ ਹੋਣ ਲਈ ਇਕੱਠੇ ਹੋਏ ਲੋਕਾਂ ਵਿੱਚ ਭੀੜ ਅਤੇ ਬੇਚੈਨੀ ਫੈਲ ਗਈ, ਭਗਦੜ ਵਿੱਚ ਘੱਟੋ-ਘੱਟ 41 ਲੋਕਾਂ ਦੀ ਮੌਤ ਹੋ ਗਈ ਅਤੇ 60 ਜ਼ਖਮੀ ਹੋ ਗਏ। ਐਫਆਈਆਰ ਦੇ ਅਨੁਸਾਰ ਸ਼ਾਮ ਲਗਭਗ 4.45 ਵਜੇ ਟੀਵੀਕੇ ਮੁਖੀ ਵਿਜੇ ਵੇਲਯੁਥਮਪਲਯਮ ਅਤੇ ਥਵਿੱਟੁਪਲਯਮ ਰਾਹੀਂ ਕਰੂਰ ਜ਼ਿਲ੍ਹੇ ਵਿੱਚ ਦਾਖਲ ਹੋਏ, ਜੋ ਜ਼ਿਲ੍ਹੇ ਦੀ ਸਰਹੱਦ ਨਾਲ ਲੱਗਦੇ ਹਨ। ਵਿਜੇ ਨੇ ਜਾਣਬੁੱਝ ਕੇ ਕਈ ਥਾਵਾਂ ’ਤੇ ਬਿਨਾਂ ਇਜਾਜ਼ਤ ਦੇ ਰੋਡ ਸ਼ੋਅ ਕਰਕੇ ਦੇਰੀ ਕੀਤੀ।
ਜਦੋਂ ਕਿ ਐਫਆਈਆਰ ਵਿੱਚ ਟੀਵੀਕੇ ਮੁਖੀ ਦਾ ਨਾਮ ਨਹੀਂ ਲਿਆ ਗਿਆ ਸੀ ਅਤੇ ਇਹ ਤਿੰਨ ਪਾਰਟੀ ਅਹੁਦੇਦਾਰਾਂ ਦੇ ਵਿਰੁੱਧ ਸੀ: ਮਥਿਆਲਾਗਨ (ਕਰੂਰ ਜ਼ਿਲ੍ਹਾ ਸਕੱਤਰ), ਬਸੀ ਐਨ ਆਨੰਦ (ਰਾਜ ਜਨਰਲ ਸਕੱਤਰ), ਅਤੇ ਸੀਟੀਆਰ ਨਿਰਮਲ ਕੁਮਾਰ (ਰਾਜ ਸੰਯੁਕਤ ਸਕੱਤਰ), ਇਸ ਵਿੱਚ ਕਿਹਾ ਗਿਆ ਹੈ ਕਿ ਵਿਜੇ ਨੇ ਵੇਲੂਸਾਮੀਪੁਰਮ ਪਹੁੰਚਣ ਤੋਂ ਪਹਿਲਾਂ ਬਿਨਾਂ ਇਜਾਜ਼ਤ ਦੇ ਰੋਡ ਸ਼ੋਅ ਕੀਤੇ ਅਤੇ ਉਨ੍ਹਾਂ ਦੀ ਗੱਡੀ ਉੱਥੇ ਭੀੜ ਦੇ ਵਿਚਕਾਰ ਰੁਕ ਗਈ।
ਪੁਲੀਸ ਵਲੋਂ ਦਰਜ ਕੀਤੀ ਗਈ ਐਫਆਈਆਰ ਵਿੱਚ ਕਿਹਾ ਗਿਆ ਹੈ ਕਿ ਅਦਾਕਾਰ ਤੇ ਰਾਜਸੀ ਆਗੂ ਵਿਜੈ ਚੋਣ ਪ੍ਰਚਾਰ ਦੌਰਾਨ ਵਾਹਨ ਵਿੱਚ ਹੀ ਰੁਕੇ, ਜਿਸ ਕਾਰਨ ਭੀੜ ਜ਼ਿਆਦਾ ਵੱਧ ਗਈ।
ਪੁਲੀਸ ਨੇ ਕਿਹਾ ਕਿ ਤਾਮਿਲਗਾ ਵੇਤਰੀ ਕਜ਼ਾਗਮ ਦੇ ਮੁਖੀ ਅਦਾਕਾਰ-ਰਾਜਨੇਤਾ ਵਿਜੈ ਵੇਲੂਸਾਮੀਪੁਰਮ ’ਚ ਆਪਣੇ ਪ੍ਰਚਾਰ ਵਾਹਨ ਦੇ ਅੰਦਰ ਲੰਬੇ ਸਮੇਂ ਤੱਕ ਰਹੇ, ਜਿਸ ਕਾਰਨ 27 ਸਤੰਬਰ ਨੂੰ ਉਨ੍ਹਾਂ ਦੀ ਰੈਲੀ ਵਿੱਚ ਸ਼ਾਮਲ ਹੋਣ ਲਈ ਇਕੱਠੇ ਹੋਏ ਲੋਕ ਬੇਚੈਨ ਹੋ ਗਏ ਤੇ ਇਕ ਦੂਜੇ ਤੋਂ ਅੱਗੇ ਲੰਘਣ ਦੀ ਦੌੜ ਵਿਚ ਭਗਦੜ ਮੱਚ ਗਈ ਜਿਸ ਕਾਰਨ 41 ਲੋਕਾਂ ਦੀ ਮੌਤ ਹੋ ਗਈ ਹੈ ਅਤੇ 60 ਜ਼ਖਮੀ ਹੋ ਗਏ। ਇਸ ਦੌਰਾਨ ਟੀਵੀਕੇ ਸੂਤਰ ਨੇ ਕਿਹਾ ਕਿ ਪੁਲੀਸ ਨੇ ਵਿਜੈ ਨੂੰ ਇਸ ਸੰਵੇਦਨਸ਼ੀਲ ਹਾਲਤ ਵਿਚ ਪੀੜਤਾਂ ਤੋਂ ਦੂਰ ਰਹਿਣ ਲਈ ਕਿਹਾ ਹੈ।
ਪੁਲੀਸ ਨੇ ਅਦਾਕਾਰ ਵਿਰੁੱਧ ਕੋਈ ਮਾਮਲਾ ਦਰਜ ਨਹੀਂ ਕੀਤਾ ਹੈ, ਪਰ ਟੀਵੀਕੇ ਦੇ ਤਿੰਨ ਮੁੱਖ ਕਾਰਜਕਰਤਾਵਾਂ – ਕਰੂਰ ਉੱਤਰੀ ਮਥੀਆਝਗਨ ਦੇ ਜ਼ਿਲ੍ਹਾ ਸਕੱਤਰ, ਪਾਰਟੀ ਦੇ ਸੂਬਾ ਜਨਰਲ ਸਕੱਤਰ ਬਸੀ ਆਨੰਦ ਅਤੇ ਟੀਵੀਕੇ ਦੇ ਡਿਪਟੀ ਜਨਰਲ ਸਕੱਤਰ ਨਿਰਮਲ ਕੁਮਾਰ ਵਿਰੁੱਧ ਭਗਦੜ ਦੇ ਸਬੰਧ ਵਿੱਚ ਐਫਆਈਆਰ ਦਰਜ ਕੀਤੀ ਗਈ ਹੈ।