ਮੁੰਬਈ ,16 ਮਾਰਚ (ਕ.ਅ.ਬਿਊਰੋ)ਮਹਾਰਾਸ਼ਟਰ ਐਚਐਸਸੀ ਬੋਰਡ ਗਣਿਤ ਦੇ ਪੇਪਰ ਲੀਕ ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ। ਇਸ ਦੌਰਾਨ ਇੱਕ ਹੋਰ ਵੱਡਾ ਖੁਲਾਸਾ ਹੋਇਆ ਹੈ। ਜਾਂਚ ਦੌਰਾਨ ਇਹ ਗੱਲ ਸਾਹਮਣੇ ਆਈ ਹੈ ਕਿ ਫਿਜ਼ਿਕਸ ਅਤੇ ਕੈਮਿਸਟਰੀ ਦੇ ਪੇਪਰ ਵੀ ਲੀਕ ਹੋਏ ਸਨ। ਪ੍ਰਸ਼ਨ ਪੱਤਰ ਵਟਸਐਪ ਰਾਹੀਂ ਸਾਂਝੇ ਕੀਤੇ ਗਏ ਸਨ। ਅਧਿਕਾਰੀਆਂ ਮੁਤਾਬਕ ਅਹਿਮਦਨਗਰ ਦੇ ਮਾਤੋਸ਼੍ਰੀ ਭਾਗੂਬਾਈ ਬੰਬਰੇ ਐਗਰੀਕਲਚਰ ਐਂਡ ਸਾਇੰਸ ਕਾਲਜ ਤੋਂ 3 ਮਾਰਚ ਨੂੰ ਗਣਿਤ ਦਾ ਪੇਪਰ ਲੀਕ ਹੋਇਆ ਸੀ। ਮੁੰਬਈ ਪੁਲਸ ਨੇ ਮਾਤੋਸ਼੍ਰੀ ਭਾਗੂਬਾਈ ਭਾਂਬਰੇ ਐਗਰੀਕਲਚਰ ਐਂਡ ਸਾਇੰਸ ਜੂਨੀਅਰ ਕਾਲਜ ਦੇ ਕਰਮਚਾਰੀ ਨੂੰ ਗ੍ਰਿਫਤਾਰ ਕਰਕੇ ਉਸ ਦਾ ਮੋਬਾਇਲ ਫੋਨ ਜ਼ਬਤ ਕਰ ਲਿਆ ਹੈ।
ਮਹਾਰਾਸ਼ਟਰ ਪੇਪਰ ਲੀਕ ਮਾਮਲਾ: ਗਣਿਤ ਦੇ ਨਾਲ-ਨਾਲ ਫਿਜ਼ਿਕਸ ਅਤੇ ਕੈਮਿਸਟਰੀ ਦੇ ਪੇਪਰ ਵੀ ਹੋਏ ਲੀਕ, ਜਾਂਚ ਦਾ ਖੁਲਾਸਾ
