ਫਰਾਂਸ: ਬਾਲੀਵੁੱਡ ਦੀ ਖ਼ੂਬਸੂਰਤ ਅਦਾਕਾਰਾ ਅਤੇ ਸਾਬਕਾ ਵਿਸ਼ਵ ਸੁੰਦਰੀ ਐਸ਼ਵਰਿਆ ਰਾਏ ਬੱਚਨ ਨੇ ਇੱਕ ਵਾਰ ਫਿਰ ਅੰਤਰਰਾਸ਼ਟਰੀ ਮੰਚ ’ਤੇ ਭਾਰਤ ਦਾ ਨਾਂ ਰੌਸ਼ਨ ਕਰਦਿਆਂ ‘ਕਾਨਸ ਫਿਲਮ ਫੈਸਟੀਵਲ’ (Cannes Film Festival) ਦੇ ਰੈੱਡ ਕਾਰਪੇਟ ’ਤੇ ਆਪਣੀ ਸ਼ਾਨਦਾਰ ਹਾਜ਼ਰੀ ਦਰਜ ਕਰਵਾਈ ਹੈ। ਲੰਬੇ ਸਮੇਂ ਤੋਂ ਪ੍ਰਸ਼ੰਸਕਾਂ ਨੂੰ ਜਿਸ ਪਲ ਦਾ ਬੇਸਬਰੀ ਨਾਲ ਇੰਤਜ਼ਾਰ ਸੀ, ਉਹ ਆਖਰਕਾਰ ਉਸ ਵੇਲੇ ਖ਼ਤਮ ਹੋ ਗਿਆ ਜਦੋਂ ਐਸ਼ਵਰਿਆ ਨੇ ਇੱਕ ਬੇਹੱਦ ਖੂਬਸੂਰਤ ਨੀਲੇ ਰੰਗ ਦੇ ਗਾਊਨ ਵਿੱਚ ਰੈੱਡ ਕਾਰਪੇਟ ’ਤੇ ਐਂਟਰੀ ਮਾਰੀ। ਉਨ੍ਹਾਂ ਦੇ ਇਸ ‘ਕੁਵੀਨ ਲੁੱਕ’ ਨੇ ਉੱਥੇ ਮੌਜੂਦ ਸਾਰੇ ਫੋਟੋਗ੍ਰਾਫਰਾਂ ਅਤੇ ਦੁਨੀਆ ਭਰ ਦੇ ਮੀਡੀਆ ਦਾ ਧਿਆਨ ਆਪਣੇ ਵੱਲ ਖਿੱਚ ਲਿਆ।
ਅਮਿਤ ਅਗਰਵਾਲ ਦਾ ਡਿਜ਼ਾਈਨ ਕੀਤਾ ‘Luminara’ ਗਾਊਨ- ਐਸ਼ਵਰਿਆ ਰਾਏ ਨੇ ਇਸ ਖਾਸ ਮੌਕੇ ਲਈ ਮਸ਼ਹੂਰ ਭਾਰਤੀ ਫੈਸ਼ਨ ਡਿਜ਼ਾਈਨਰ ਅਮਿਤ ਅਗਰਵਾਲ ਦੁਆਰਾ ਤਿਆਰ ਕੀਤਾ ਇੱਕ ਕਸਟਮ ਸਕਲਪਚਰਡ ਐਬਿਸ-ਬਲੂ (Abyss Blue) ਗਾਊਨ ਪਹਿਨਿਆ ਹੋਇਆ ਸੀ, ਜਿਸ ਦਾ ਨਾਮ ‘Luminara’ ਰੱਖਿਆ ਗਿਆ ਹੈ। 1500 ਘੰਟਿਆਂ ਦੀ ਮਿਹਨਤ: ਇਸ ਗਾਊਨ ’ਤੇ ਹੱਥਾਂ ਨਾਲ ਬੇਹੱਦ ਬਾਰੀਕ ਕ੍ਰਿਸਟਲ ਵਰਕ (Crystal Vein Embroidery) ਕੀਤਾ ਗਿਆ ਸੀ, ਜਿਸ ਨੂੰ ਤਿਆਰ ਕਰਨ ਵਿੱਚ ਲਗਭਗ 1500 ਘੰਟੇ ਲੱਗੇ। ਫਿਊਚਰਿਸਟਿਕ ਡਿਜ਼ਾਈਨ: ਗਾਊਨ ਦੇ ਮੋਢਿਆਂ ’ਤੇ ਖੰਭਾਂ ਵਰਗੀ ਬਣਤਰ (Structured wing-like extensions) ਦਿੱਤੀ ਗਈ ਸੀ, ਜੋ ਕਿ ਬੇਹੱਦ ਆਧੁਨਿਕ ਅਤੇ ਸ਼ਾਹੀ ਦਿੱਖ ਪੇਸ਼ ਕਰ ਰਹੀ ਸੀ।
ਲੁੱਕ ਨੂੰ ਇੰਝ ਬਣਾਇਆ ਹੋਰ ਵੀ ਖ਼ਾਸ- ਆਪਣੇ ਇਸ ਸ਼ਾਨਦਾਰ ਗਾਊਨ ਦੇ ਨਾਲ ਐਸ਼ਵਰਿਆ ਨੇ ਗਲੇ ਵਿੱਚ ਨੀਲੇ ਸਫਾਇਰ (ਨੀਲਮ) ਅਤੇ ਹੀਰਿਆਂ ਦਾ ਚੋਕਰ ਹਾਰ ਪਾਇਆ ਹੋਇਆ ਸੀ। ਉਨ੍ਹਾਂ ਨੇ ਆਪਣੇ ਵਾਲਾਂ ਨੂੰ ਹਲਕੇ ਵੇਵਜ਼ (Loose curls) ਵਿੱਚ ਖੁੱਲ੍ਹਾ ਛੱਡਿਆ ਹੋਇਆ ਸੀ। ਮੇਕਅੱਪ ਦੀ ਗੱਲ ਕਰੀਏ ਤਾਂ ਵਿੰਗਡ ਆਈਲਾਈਨਰ, ਗੁਲਾਬੀ ਬਲੱਸ਼ ਅਤੇ ਰੈੱਡ ਲਿਪਸਟਿਕ ਨਾਲ ਉਨ੍ਹਾਂ ਦਾ ਲੁੱਕ ਬਿਲਕੁਲ ਪਰਫੈਕਟ ਲੱਗ ਰਿਹਾ ਸੀ। ਰੈੱਡ ਕਾਰਪੇਟ ’ਤੇ ਚੱਲਦਿਆਂ ਉਨ੍ਹਾਂ ਨੇ ਹਮੇਸ਼ਾ ਦੀ ਤਰ੍ਹਾਂ ਮੁਸਕਰਾਉਂਦੇ ਹੋਏ ਕੈਮਰੇ ਵੱਲ ਦੇਖ ਕੇ ‘ਨਮਸਤੇ’ ਕੀਤਾ ਅਤੇ ਪ੍ਰਸ਼ੰਸਕਾਂ ਨੂੰ ਫਲਾਇੰਗ ਕਿਸ ਵੀ ਦਿੱਤੀ।
ਹਾਲੀਵੁੱਡ ਸਟਾਰ ਈਵਾ ਲੋਂਗੋਰੀਆ ਨਾਲ ਪੋਜ਼ ਅਤੇ ਧੀ ਆਰਾਧਿਆ ਦਾ ਸਾਥ- ਐਸ਼ਵਰਿਆ ਰਾਏ ਫਿਲਮ ‘The Birthday Party’ ਦੀ ਸਕ੍ਰੀਨਿੰਗ ਦੇ ਮੌਕੇ ਰੈੱਡ ਕਾਰਪੇਟ ’ਤੇ ਪਹੁੰਚੀ ਸੀ। ਉੱਥੇ ਉਨ੍ਹਾਂ ਨੇ ਹਾਲੀਵੁੱਡ ਦੀ ਮਸ਼ਹੂਰ ਅਦਾਕਾਰਾ ਅਤੇ ਲੌਰੀਅਲ (L’Oreal) ਦੀ ਸਹਿ-ਅੰਬੈਸਡਰ ਈਵਾ ਲੋਂਗੋਰੀਆ ਨਾਲ ਵੀ ਕਈ ਖੂਬਸੂਰਤ ਪੋਜ਼ ਦਿੱਤੇ। ਇਸ ਦੌਰਾਨ ਉਨ੍ਹਾਂ ਦੀ 14 ਸਾਲਾ ਬੇਟੀ ਆਰਾਧਿਆ ਬੱਚਨ ਵੀ ਉਨ੍ਹਾਂ ਦੇ ਨਾਲ ਨਜ਼ਰ ਆਈ, ਜਿਸ ਨੇ ਲਾਲ ਰੰਗ ਦਾ ਸਾਟਿਨ ਗਾਊਨ ਪਾਇਆ ਹੋਇਆ ਸੀ।
ਅਫਵਾਹਾਂ ’ਤੇ ਲੱਗਿਆ ਵਿਰਾਮ- ਪਿਛਲੇ ਕੁਝ ਦਿਨਾਂ ਤੋਂ ਸੋਸ਼ਲ ਮੀਡੀਆ ’ਤੇ ਇਹ ਚਰਚਾ ਚੱਲ ਰਹੀ ਸੀ ਕਿ ਸ਼ਾਇਦ ਐਸ਼ਵਰਿਆ ਇਸ ਵਾਰ ਕਾਨਸ ਦਾ ਹਿੱਸਾ ਨਹੀਂ ਬਣਨਗੇ, ਕਿਉਂਕਿ ਬ੍ਰਾਂਡ ਦੇ ਸ਼ੁਰੂਆਤੀ ਪੋਸਟਰਾਂ ਵਿੱਚ ਉਨ੍ਹਾਂ ਦੀ ਤਸਵੀਰ ਗਾਇਬ ਸੀ। ਪਰ ਐਸ਼ਵਰਿਆ ਨੇ ਰੈੱਡ ਕਾਰਪੇਟ ’ਤੇ ਇਸ ਧਮਾਕੇਦਾਰ ਐਂਟਰੀ ਨਾਲ ਇਹ ਸਾਬਤ ਕਰ ਦਿੱਤਾ ਕਿ ਕਾਨਸ ਫਿਲਮ ਫੈਸਟੀਵਲ ਦੇ ਮੰਚ ’ਤੇ ਉਨ੍ਹਾਂ ਦੀ ਜਗ੍ਹਾ ਕੋਈ ਹੋਰ ਨਹੀਂ ਲੈ ਸਕਦਾ। ਇੰਟਰਨੈੱਟ ’ਤੇ ਪ੍ਰਸ਼ੰਸਕ ਉਨ੍ਹਾਂ ਦੀਆਂ ਤਸਵੀਰਾਂ ਨੂੰ ‘The Ultimate Queen of Cannes’ ਲਿਖ ਕੇ ਲਗਾਤਾਰ ਸ਼ੇਅਰ ਕਰ ਰਹੇ ਹਨ।