November 22, 2026
ਅੰਤਰਰਾਸ਼ਟਰੀਖਾਸ ਖ਼ਬਰ

ਵੈਨੇਜ਼ੁਏਲਾ ਵਿੱਚ ਅਮਰੀਕੀ ਕਾਰਵਾਈ ਕਾਰਨ ਕੈਰੇਬੀਅਨ ਆਈਲੈਂਡ ’ਤੇ ਸੈਂਕੜੇ ਉਡਾਣਾਂ ਰੱਦ

ਵੈਨੇਜ਼ੁਏਲਾ ਵਿੱਚ ਅਮਰੀਕੀ ਕਾਰਵਾਈ ਕਾਰਨ ਕੈਰੇਬੀਅਨ ਆਈਲੈਂਡ ’ਤੇ ਸੈਂਕੜੇ ਉਡਾਣਾਂ ਰੱਦ

ਵਾਸ਼ਿੰਗਟਨ- ਵੈਨੇਜ਼ੁਏਲਾ ਦੇ ਰਾਸ਼ਟਰਪਤੀ ਨਿਕੋਲਸ ਮਾਦੁਰੋ ਖ਼ਿਲਾਫ਼ ਅਮਰੀਕਾ ਵਲੋਂ ਕਾਰਵਾਈ ਕਰਨ ਤੇ ਉਸ ਨੂੰ ਅਮਰੀਕਾ ਲਿਆਉਣ ਦੌਰਾਨ ਕੈਰੇਬਿਆਈ ਆਈਲੈਂਡ ਦਾ ਹਵਾਈ ਖੇਤਰ ਬੰਦ ਕਰ ਦਿੱਤਾ ਗਿਆ ਹੈ ਜਿਸ ਕਾਰਨ ਇੱਥੇ ਵੱਡੀ ਗਿਣਤੀ ਲੋਕਾਂ ਦੀਆਂ ਛੁੱਟੀਆਂ ਮਨਾਉਣ ਦੇ ਪ੍ਰੋਗਰਾਮ ਧਰੇ ਧਰਾਏ ਰਹਿ ਗਏ ਹਨ। ਦੂਜੇ ਪਾਸੇ ਅਮਰੀਕਾ ਨੇ ਕਿਹਾ ਹੈ ਕਿ ਇਸ ਖੇਤਰ ਵਿਚ ਅੱਜ ਦੁਪਹਿਰ 12 ਵਜੇ ਤੋਂ ਹਵਾਈ ਆਵਾਜਾਈ ਸ਼ੁਰੂ ਹੋ ਜਾਵੇਗੀ।

FlightRadar24.com ਅਨੁਸਾਰ ਇਸ ਵੇਲੇ ਕਿਸੇ ਵੀ ਏਅਰਲਾਈਨ ਦੀ ਉਡਾਣ ਵੈਨੇਜ਼ੁਏਲਾ ਤੋਂ ਪਾਰ ਨਹੀਂ ਜਾ ਰਹੀ ਅਤੇ ਪ੍ਰਮੁੱਖ ਏਅਰਲਾਈਨਾਂ ਨੇ ਪੂਰਬੀ ਕੈਰੇਬੀਅਨ ਖੇਤਰ ਵਿੱਚ ਸੈਂਕੜੇ ਉਡਾਣਾਂ ਰੱਦ ਕਰ ਦਿੱਤੀਆਂ ਅਤੇ ਯਾਤਰੀਆਂ ਨੂੰ ਕਿਹਾ ਗਿਆ ਹੈ ਕਿ ਫੈਡਰਲ ਏਵੀਏਸ਼ਨ ਪ੍ਰਸ਼ਾਸਨ ਵਲੋਂ ਪਾਬੰਦੀਆਂ ਲਗਾਉਣ ਤੋਂ ਬਾਅਦ ਉਨ੍ਹਾਂ ਦੀ ਯਾਤਰਾ ਵਿਚ ਵਿਘਨ ਜਾਰੀ ਰਹਿ ਸਕਦਾ ਹੈ। ਪੋਰਟੋ ਰਿਕੋ, ਵਰਜਿਨ ਆਈਲੈਂਡਜ਼, ਅਰੂਬਾ ਅਤੇ ਵੈਨੇਜ਼ੁਏਲਾ ਦੇ ਉੱਤਰ ਵਿੱਚ ਲੈਸਰ ਐਂਟੀਲਜ਼ ਟਾਪੂ ਸਮੂਹ ਵਿੱਚ ਇੱਕ ਦਰਜਨ ਤੋਂ ਵੱਧ ਹੋਰ ਸਥਾਨਾਂ ਲਈ ਉਡਾਣਾਂ ਰੱਦ ਕਰ ਦਿੱਤੀਆਂ ਗਈਆਂ ਹਨ।

ਇਸ ਵੀਕਐਂਡ ’ਤੇ 13-ਦਿਨਾਂ ਦੀ ਛੁੱਟੀ ਹੈ ਤੇ ਕਿਆਸ ਲਾਏ ਗਏ ਹਨ ਕਿ 122.4 ਮਿਲੀਅਨ ਅਮਰੀਕੀ ਘੱਟੋ-ਘੱਟ 50 ਮੀਲ (80 ਕਿਲੋਮੀਟਰ) ਯਾਤਰਾ ਕਰਨਗੇ ਸ਼ਨਿਚਰਵਾਰ ਨੂੰ ਉਸ ਹਵਾਈ ਅੱਡੇ ਤੋਂ ਜਾਣ ਅਤੇ ਜਾਣ ਵਾਲੀਆਂ ਸਾਰੀਆਂ ਉਡਾਣਾਂ ਵਿੱਚੋਂ ਲਗਪਗ 60 ਪ੍ਰਤੀਸ਼ਤ ਰੱਦ ਕਰ ਦਿੱਤੀਆਂ ਗਈਆਂ। ਇਸ ਕਾਰਨ ਲਗਭਗ ਦੋ ਦਰਜਨ ਆਈਲੈਂਡ ਵਿਚ ਲੋਕਾਂ ਦੇ ਹੋਲੀਡੇਅ ਪ੍ਰੋਗਰਾਮ ਪ੍ਰਭਾਵਿਤ ਹੋਏ ਹਨ ਜਿਨ੍ਹਾਂ ਵਿਚ ਐਂਗੁਇਲਾ, ਐਂਟੀਗੁਆ, ਕੁਰਕਾਓ, ਸੇਂਟ ਲੂਸੀਆ ਅਤੇ ਅਮਰੀਕਾ ਅਤੇ ਬ੍ਰਿਟਿਸ਼ ਵਰਜਿਨ ਆਈਲੈਂਡ ਸ਼ਾਮਲ ਹਨ।

Related posts

ਲੋਕ ਸਭਾ ਚੋਣਾਂ ਲਈ ‘ਆਪ’ ਵਲੋਂ 8 ਉਮੀਦਵਾਰਾਂ ਦਾ ਐਲਾਨ

Current Updates

ਲਾੜੀ ਪ੍ਰੇਮੀ ਨਾਲ ਭੱਜੀ… ਲਾੜੇ ਨੂੰ ਆਇਆ ਸੁੱਖ ਦਾ ਸਾਹ

Current Updates

ਕੈਮਰਿਆਂ ਤੋਂ ਪਰੇਸ਼ਾਨ ਵਿਰਾਟ ਕੋਹਲੀ ਮੈਲਬਰਨ ਵਿਚ ਪੱਤਰਕਾਰ ’ਤੇ ਖਿਝਿਆ, ਵੀਡੀਓ ਵਾਇਰਲ

Current Updates

Leave a Comment