ਨਥਾਣਾ-ਗੁਜਰਾਤ ਦੇ ਕੱਛ ਖੇਤਰ ਵਿੱਚ ਕੱਲ੍ਹ ਮਾਰੇ ਗਏ ਨੇੜਲੇ ਪਿੰਡ ਗੰਗਾ ਦੇ ਦੋ ਨੌਜਵਾਨਾਂ ਦੇ ਪਰਿਵਾਰਾਂ ਨੇ ਲਾਸ਼ਾਂ ਲੈ ਲਈਆਂ ਹਨ। ਅੱਜ ਦੇਰ ਸ਼ਾਮ ਉਥੋਂ ਚੱਲ ਕੇ ਦੋ ਐਂਬੂਲੈਂਸਾਂ ਰਾਹੀਂ ਇਹ ਲਾਸ਼ਾਂ ਵਾਪਸ ਲਿਆਂਦੀਆਂ ਜਾ ਰਹੀਆਂ ਹਨ। ਗੁਰਸੇਵਕ ਸਿੰਘ ਉਰਫ ਬਿੱਲਾ ਅਤੇ ਗੁਰਵਿੰਦਰ ਸਿੰਘ ਦੇ ਵਾਰਸਾਂ ਨੇ ਦੱਸਿਆ ਕਿ ਉਹ ਨੌਂ ਫਰਵਰੀ ਨੂੰ ਦੁਪਹਿਰ ਤੱਕ ਆਪਣੇ ਪਿੰਡ ਗੰਗਾ ਪੁੱਜ ਜਾਣਗੇ। ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਨੌਂ ਫਰਵਰੀ ਨੂੰ ਕਰਨ ਦੀ ਸੰਭਾਵਨਾ ਹੈ। ਭੁੱਜ ਦੇ ਅਡਾਨੀ ਹਸਪਤਾਲ ਵਿੱਚ ਦਾਖਲ ਵਰਿੰਦਰ ਸਿੰਘ ਦੀ ਸਾਂਭ ਸੰਭਾਲ ਲਈ ਦੋ ਪਰਿਵਾਰਕ ਮੈਂਬਰ ਉਥੇ ਠਹਿਰੇ ਹਨ।
ਗੁਜਰਾਤ ਹਾਦਸਾ: ਦੋਵੇਂ ਲਾਸ਼ਾਂ ਅੱਜ ਗੰਗਾ ਪੁੱਜਣਗੀਆਂ
