November 22, 2026
ਖਾਸ ਖ਼ਬਰਮਨੋਰੰਜਨਰਾਸ਼ਟਰੀ

ਸ਼ਾਹਰੁਖ ਖਾਨ ਵਰਗੇ ਲੋਕ ਦੇਸ਼ਧ੍ਰੋਹੀ, ਭਾਰਤ ਦਾ ਖਾਂਦੇ ਅਤੇ ਪਾਕਿ-ਬੰਗਲਾਦੇਸ਼ ਦੇ ਗੁਣ ਗਾਉਂਦੇ

ਸ਼ਾਹਰੁਖ ਖਾਨ ਵਰਗੇ ਲੋਕ ਦੇਸ਼ਧ੍ਰੋਹੀ, ਭਾਰਤ ਦਾ ਖਾਂਦੇ ਅਤੇ ਪਾਕਿ-ਬੰਗਲਾਦੇਸ਼ ਦੇ ਗੁਣ ਗਾਉਂਦੇ

ਉੱਤਰਾਖੰਡ- ਭਾਜਪਾ ਆਗੂ ਸੰਗੀਤ ਸਿੰਘ ਸੋਮ ਨੇ ਅਧਿਆਤਮਿਕ ਆਗੂ ਦੇਵਕੀਨੰਦਨ ਠਾਕੁਰ ਦੀਆਂ ਟਿੱਪਣੀਆਂ ਦਾ ਸਮਰਥਨ ਕੀਤਾ ਹੈ ਅਤੇ ਕੋਲਕਾਤਾ ਨਾਈਟ ਰਾਈਡਰਜ਼ (KKR) ਟੀਮ ਵਿੱਚ ਇੱਕ ਬੰਗਲਾਦੇਸ਼ੀ ਖਿਡਾਰੀ ਨੂੰ ਸ਼ਾਮਲ ਕਰਨ ਦੇ ਮੁੱਦੇ ‘ਤੇ ਬਾਲੀਵੁੱਡ ਅਦਾਕਾਰ ਸ਼ਾਹਰੁਖ ਖਾਨ ਵਿਰੁੱਧ ਤਿੱਖਾ ਹਮਲਾ ਕਰਦਿਆਂ ਉਨ੍ਹਾਂ ਨੂੰ ਦੇਸ਼ਧ੍ਰੋਹੀ ਕਰਾਰ ਦਿੱਤਾ ਹੈ। ਸੋਮ ਨੇ ਵੀਰਵਾਰ ਨੂੰ ANI ਨਾਲ ਗੱਲਬਾਤ ਕਰਦਿਆਂ ਕਿਹਾ, “ਬੰਗਲਾਦੇਸ਼ ਵਿੱਚ ਜਿਸ ਤਰ੍ਹਾਂ ਹਿੰਦੂਆਂ ‘ਤੇ ਅੱਤਿਆਚਾਰ ਕੀਤੇ ਜਾ ਰਹੇ ਹਨ, ਔਰਤਾਂ ਅਤੇ ਕੁੜੀਆਂ ਨਾਲ ਜਬਰ ਜਨਾਹ ਹੋ ਰਹੇ ਹਨ, ਉਨ੍ਹਾਂ ਦੇ ਘਰ ਸਾੜੇ ਜਾ ਰਹੇ ਹਨ ਅਤੇ ਉੱਥੇ ਭਾਰਤ ਵਿਰੋਧੀ ਨਾਅਰੇ ਲਗਾਏ ਜਾ ਰਹੇ ਹਨ। ਇਸ ਸਭ ਦੇ ਬਾਵਜੂਦ ਸ਼ਾਹਰੁਖ ਖਾਨ ਵਰਗੇ ਦੇਸ਼ਧ੍ਰੋਹੀ ਇਹ ਪੈਸਾ ਕਿੱਥੇ ਨਿਵੇਸ਼ ਕਰਦੇ ਹਨ? ਉਹ ਇਸ ਨੂੰ ਉਸ ਦੇਸ਼ ਦੇ ਖਿਡਾਰੀਆਂ ‘ਤੇ ਨਿਵੇਸ਼ ਕਰਦੇ ਹਨ ਜੋ ਭਾਰਤ ਵਿਰੁੱਧ ਕੰਮ ਕਰ ਰਿਹਾ ਹੈ।” ਉਨ੍ਹਾਂ ਕਿਹਾ ਮੈਂ ਉਨ੍ਹਾਂ ਨੂੰ ਦੇਸ਼ਧ੍ਰੋਹੀ ਕਹਿ ਰਿਹਾ ਹਾਂ ਕਿਉਂਕਿ ਉਨ੍ਹਾਂ ਕੋਲ ਜੋ ਕੁਝ ਵੀ ਹੈ ਉਹ ਭਾਰਤ ਅਤੇ ਭਾਰਤ ਦੇ ਲੋਕਾਂ ਦਾ ਦਿੱਤਾ ਹੋਇਆ ਹੈ।

ਉਨ੍ਹਾਂ ਅੱਗੇ ਕਿਹਾ, “ਮੈਂ ਸ਼ਾਹਰੁਖ ਖਾਨ ਵਰਗੇ ਲੋਕਾਂ ਨੂੰ ਦੱਸਣਾ ਚਾਹੁੰਦਾ ਹਾਂ ਕਿ ਉਹ ਸਫ਼ਲ ਨਹੀਂ ਹੋਣਗੇ। ਕਿਸੇ ਵੀ ਕੀਮਤ ‘ਤੇ ਉਹ ਮੁਸਤਫਿਜ਼ੁਰ ਰਹਿਮਾਨ ਨੂੰ ਇੱਥੇ ਨਹੀਂ ਖਿਡਾ ਸਕਣਗੇ। ਰਹਿਮਾਨ ਹਵਾਈ ਅੱਡੇ ਤੋਂ ਬਾਹਰ ਕਦਮ ਨਹੀਂ ਰੱਖ ਸਕੇਗਾ… ਸ਼ਾਹਰੁਖ ਖਾਨ ਵਰਗੇ ਲੋਕ ਦੇਸ਼ਧ੍ਰੋਹੀ ਹਨ; ਉਹ ਭਾਰਤ ਵਿੱਚ ਖਾਂਦੇ ਹਨ ਅਤੇ ਪਾਕਿਸਤਾਨ ਤੇ ਬੰਗਲਾਦੇਸ਼ ਦੇ ਗੁਣ ਗਾਉਂਦੇ ਹਨ।”

ਸੋਮ ਦੀਆਂ ਇਹ ਟਿੱਪਣੀਆਂ ਦੇਵਕੀਨੰਦਨ ਠਾਕੁਰ ਵੱਲੋਂ ਸ਼ਾਹਰੁਖ ਖਾਨ ਦੀ ਮਲਕੀਅਤ ਵਾਲੀ KKR ਟੀਮ ਵਿੱਚ ਬੰਗਲਾਦੇਸ਼ੀ ਖਿਡਾਰੀ ਨੂੰ ਸ਼ਾਮਲ ਕਰਨ ਦੀ ਕੀਤੀ ਗਈ ਆਲੋਚਨਾ ਤੋਂ ਬਾਅਦ ਆਈਆਂ ਹਨ। ਦੇਵਕੀਨੰਦਨ ਠਾਕੁਰ ਨੇ ਕਿਹਾ ਕਿ ਬੰਗਲਾਦੇਸ਼ ਵਿੱਚ ਹਿੰਦੂਆਂ ਦਾ ਬੇਰਹਿਮੀ ਨਾਲ ਕਤਲ ਕੀਤਾ ਜਾ ਰਿਹਾ ਹੈ ਅਤੇ ਭੈਣਾਂ-ਧੀਆਂ ਨਾਲ ਜਬਰ ਜਨਾਹ ਹੋ ਰਹੇ ਹਨ। ਉਨ੍ਹਾਂ ਸਵਾਲ ਉਠਾਇਆ ਕਿ ਅਜਿਹੀਆਂ ਘਟਨਾਵਾਂ ਦੇ ਗਵਾਹ ਬਣਨ ਤੋਂ ਬਾਅਦ ਕੋਈ ਇੰਨਾ ਪੱਥਰ-ਦਿਲ ਕਿਵੇਂ ਹੋ ਸਕਦਾ ਹੈ ਕਿ ਉਸੇ ਦੇਸ਼ ਦੇ ਕ੍ਰਿਕਟਰ ਨੂੰ ਆਪਣੀ ਟੀਮ ਵਿੱਚ ਸ਼ਾਮਲ ਕਰੇ?

Related posts

ਵਿਸ਼ਵ ਸਿਹਤ ਅਸੈਂਬਲੀ: ਪ੍ਰਧਾਨ ਮੰਤਰੀ ਮੋਦੀ ਵੱਲੋਂ ਦੇਸ਼ਾਂ ਨੂੰ ਯੋਗ ਦਿਵਸ ’ਚ ਹਿੱਸਾ ਲੈਣ ਦਾ ਸੱਦਾ

Current Updates

ਲਾਲ ਲਕੀਰ ’ਤੇ ਸਰਕਾਰ ਜਾਂ ਅਦਾਲਤਾਂ ਦੀ ਲਟਕਦੀ ਤਲਵਾਰ ਹੁਣ ਹਮੇਸ਼ਾ ਲਈ ਹਟੇਗੀ

Current Updates

PSEB 10ਵੀਂ ਦਾ ਨਤੀਜਾ ਐਲਾਨਿਆ: ਫਰੀਦਕੋਟ ਦੀ ਹਰਲੀਨ ਸ਼ਰਮਾ ਨੇ ਮਾਰੀ ਬਾਜ਼ੀ, ਸੂਬੇ ਭਰ ‘ਚੋਂ ਰਹੀ ਅੱਵਲ

Current Updates

Leave a Comment