ਮੁੰਬਈ: ਮਸ਼ਹੂਰ ਪੰਜਾਬੀ ਗਾਇਕ ਅਤੇ ਰੈਪਰ ਕਰਨ ਔਜਲਾ ਨੇ ਇੱਕ ਵਾਰ ਫਿਰ ਆਪਣੇ ਪ੍ਰਸ਼ੰਸਕਾਂ ਦਾ ਦਿਲ ਜਿੱਤ ਲਿਆ ਹੈ। ਪ੍ਰਸਿੱਧ ਕਾਮੇਡੀਅਨ ਸਮੈਨਾ ਰੈਨਾ ਦੇ ਸ਼ੋਅ ‘ਇੰਡੀਆਜ਼ ਗੌਟ ਲੇਟੈਂਟ’ (India’s Got Latent) ਵਿੱਚ ਸ਼ਿਰਕਤ ਕਰਨ ਦੌਰਾਨ ਕਰਨ ਔਜਲਾ ਨੇ ਇੱਕ ਪ੍ਰਤੀਯੋਗੀ (ਕਲਾਕਾਰ) ਦਾ ਮਾਲਦੀਵ ਜਾਣ ਦਾ ਖਵਾਹਿਸ਼ੀ ਸੁਪਨਾ ਪੂਰਾ ਕਰਦਿਆਂ ਉਸ ਦੀ ਪੂਰੀ ਟ੍ਰਿਪ ਸਪਾਂਸਰ ਕਰਨ ਦਾ ਐਲਾਨ ਕੀਤਾ ਹੈ। ਸ਼ੋਅ ਦੇ ਇੱਕ ਐਪੀਸੋਡ ਦੌਰਾਨ ਜਦੋਂ ਪ੍ਰਤੀਯੋਗੀ ਨੇ ਆਪਣੀ ਪਰਫਾਰਮੈਂਸ ਤੋਂ ਬਾਅਦ ਗੱਲਬਾਤ ਕਰਦਿਆਂ ਮਾਲਦੀਵ ਘੁੰਮਣ ਦੀ ਆਪਣੀ ਇੱਛਾ ਜ਼ਾਹਰ ਕੀਤੀ, ਤਾਂ ਜਜਾਂ ਦੀ ਕੁਰਸੀ ‘ਤੇ ਬੈਠੇ ਕਰਨ ਔਜਲਾ ਨੇ ਬਿਨਾਂ ਇੱਕ ਪਲ ਗਵਾਏ ਉਸ ਦੀ ਇਸ ਖਵਾਹਿਸ਼ ਨੂੰ ਪੂਰਾ ਕਰਨ ਦਾ ਵਾਅਦਾ ਕਰ ਦਿੱਤਾ। ਗਾਇਕ ਨੇ ਮੌਕੇ ‘ਤੇ ਹੀ ਐਲਾਨ ਕੀਤਾ ਕਿ ਉਸ ਪ੍ਰਤੀਯੋਗੀ ਦੀ ਮਾਲਦੀਵ ਛੁੱਟੀਆਂ ਦਾ ਸਾਰਾ ਖਰਚਾ ਉਹ ਆਪ ਚੁੱਕਣਗੇ। ਕਰਨ ਔਜਲਾ ਦੀ ਇਸ ਦਰਿਆਦਿਲੀ ਅਤੇ ਨਿਮਰਤਾ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਜ਼ੋਰਦਾਰ ਵਾਇਰਲ ਹੋ ਰਹੀ ਹੈ। ਪ੍ਰਸ਼ੰਸਕ ਅਤੇ ਨੇਟੀਜ਼ਨਸ ਗਾਇਕ ਦੇ ਇਸ ਕਦਮ ਦੀ ਜੰਮ ਕੇ ਸ਼ਲਾਘਾ ਕਰ ਰਹੇ ਹਨ। ਲੋਕਾਂ ਦਾ ਕਹਿਣਾ ਹੈ ਕਿ ਕਰਨ ਔਜਲਾ ਨਾ ਸਿਰਫ਼ ਆਪਣੇ ਸੰਗੀਤ ਨਾਲ ਦਿਲਾਂ ‘ਤੇ ਰਾਜ ਕਰਦੇ ਹਨ, ਸਗੋਂ ਆਪਣੀ ਦਰਿਆਦਿਲ ਸ਼ਖ਼ਸੀਅਤ ਨਾਲ ਵੀ ਹਰ ਵਾਰ ਪ੍ਰਸ਼ੰਸਕਾਂ ਦਾ ਮਾਨ ਵਧਾਉਂਦੇ ਹਨ।
ਪੰਜਾਬੀ ਗਾਇਕ ਕਰਨ ਔਜਲਾ ਨੇ ਪੂਰੀ ਕੀਤੀ ‘ਇੰਡੀਆਜ਼ ਗੌਟ ਲੇਟੈਂਟ’ ਦੇ ਕਲਾਕਾਰ ਦੀ ਖਵਾਹਿਸ਼, ਸਪਾਂਸਰ ਕੀਤੀ ਮਾਲਦੀਵ ਟੂਰ
