ਭਾਰਤ-ਭਾਰਤ ਆਪਣਾ 76ਵਾਂ ਗਣਤੰਤਰ ਦਿਵਸ ਮਨਾਉਣ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਗਣਤੰਤਰ ਦਿਵਸ, 26 ਜਨਵਰੀ 1950 ਨੂੰ ਭਾਰਤ ਦੇ ਸੰਵਿਧਾਨ ਨੂੰ ਅਪਣਾਉਣ ਦੀ ਯਾਦ ਦਿਵਾਉਂਦਾ ਹੈ। ਇਸ ਦੇ ਨਾਲ ਹੀ ਇਹ ਮਹੱਤਵਪੂਰਣ ਦਿਨ ਭਾਰਤ ਦੇ ਲੋਕਤੰਤਰੀ ਆਦਰਸ਼ਾਂ, ਅਮੀਰ ਇਤਿਹਾਸ ਤੇ ਏਕਤਾ ਦੀ ਯਾਦ ਦਿਵਾਉਂਦਾ ਹੈ ਜੋ ਆਪਣੀ ਵਿਭਿੰਨ ਆਬਾਦੀ ਨੂੰ ਜੋੜਦਾ ਹੈ। 76ਵੇਂ ਗਣਤੰਤਰ ਦੇ ਮੌਕੇ ‘ਤੇ ਦੇਸ਼ ਭਰ ਵਿਚ ਸ਼ਾਨਦਾਰ ਪਰੇਡ ਤੇ ਸਭਿਆਚਾਰਕ ਪ੍ਰੋਗਰਾਮ ਹੋਣਗੇ। ਨਵੀਂ ਦਿੱਲੀ ਦੇ ਕਰਤੱਵ ਪਥ ‘ਤੇ ਗਣਤੰਤਰ ਦਿਵਸ ਪਰੇਡ ਹੋ ਗਈ ਹੈ। ਪਰੇਡ ‘ਚ ਭਾਰਤ ਦੀਆਂ ਉਪਲਬਧੀਆਂ ਤੇ ਤਰੱਕੀ ਦਾ ਪ੍ਰਦਰਸ਼ਨ ਕੀਤਾ ਜਾ ਰਿਹਾ ਹੈ।
ਭਾਰਤੀ ਹਵਾਈ ਫੌਜ ਨੇ ਫਲਾਈ-ਪਾਸਟ ਨਾਲ ਜਿੱਤਿਆ ਲੋਕਾਂ ਦਾ ਦਿਲ, ਰਾਫੇਲ ਨੇ ਦਿੱਤਾ ‘ਵਿਜੈ’ ਫਾਰਮੇਸ਼ਨ-ਭਾਰਤੀ ਹਵਾਈ ਫੌਜ ਨੇ ਪਰੇਡ ਦੌਰਾਨ ਫਲਾਈ-ਪਾਸਟ ਰਾਹੀਂ ਲੋਕਾਂ ਦਾ ਦਿਲ ਜਿੱਤ ਲਿਆ। ICG ਦੇ 3 ਡੌਰਨੀਅਰ-228 ਜਹਾਜ਼ਾਂ ਨਾਲ ਰਕਸ਼ਕ ਫਾਰਮੇਸ਼ਨ ਕੀਤਾ ਗਿਆ। ਪਰੇਡ ਦੌਰਾਨ ਤਿੰਨ ਸੁਖੋਈ-30 ਜਹਾਜ਼ਾਂ ਨੇ ਤ੍ਰਿਸ਼ੂਲ ਬਣਾਇਆ। ਇਸ ਦੇ ਨਾਲ ਰਾਫੇਲ ਨੇ ਵਿਜੈ ਫਾਰਮੇਸ਼ਨ ਦਾ ਪ੍ਰਦਰਸ਼ਨ ਕੀਤਾ।
‘ਦ ਡੇਅਰਡੇਵਿਲਸ’ ਸ਼ੋਅ ‘ਤੇ ਵੱਜੀਆਂ ਤਾੜੀਆਂ-ਪਰੇਡ ਦੌਰਾਨ ਭਾਰਤੀ ਫ਼ੌਜ ਦੇ ਸਿਗਨਲ ਕੋਰ ਦੀ ਮੋਟਰਸਾਈਕਲ ਰਾਈਡਰ ਡਿਸਪਲੇਅ ਟੀਮ ‘ਦਿ ਡੇਅਰਡੇਵਿਲਸ’ ਨੇ ਆਪਣੇ ਵੱਖਰੇ ਅੰਦਾਜ਼ ਨਾਲ ਲੋਕਾਂ ਦਾ ਮਨ ਮੋਹ ਲਿਆ। ‘ਦਿ ਡੇਅਰਡੇਵਿਲਸ’ ਟੀਮ ਨੇ ਬੁਲੇਟ ਵਹੀਲੀ, ਲੈਡਰ ਸਲਿਊਟ, ਥ੍ਰੀ ਪੀਕ ਡੇਵਿਲ ਫਾਰਮੇਸ਼ਨ, ਸ਼ਤਰੂਜੀਤ, ਮਰਕਰੀ ਪੀਕ, ਇਨਫੋ ਵਾਰੀਅਰਜ਼, ਲੋਟਸ ਤੇ ਹਿਊਮਰ ਪਿਰਾਮਿਡ ਦੇ ਨਾਲ ਸਲਾਮੀ ਦਿੱਤੀ।