ਮਹਿੰਗਾਈ ਤੋਂ ਵੱਡੀ ਰਾਹਤ, ਹੁਣ ਪਹਿਲਾਂ ਨਾਲੋਂ ਸਸਤਾ ਹੋਇਆ ਰਸੋਈ ਗੈਸ ਸਿਲੰਡਰ

ਨਵੀਂ ਦਿੱਲੀ: ਐਲਪੀਜੀ ਗੈਸ ਸਿਲੰਡਰ ਵੇਚਣ ਵਾਲੀਆਂ ਪੈਟਰੋਲੀਅਮ ਕੰਪਨੀਆਂ ਨੇ ਐਲਪੀਜੀ ਦੀਆਂ ਦਰਾਂ ਨੂੰ ਅਪਡੇਟ ਕੀਤਾ ਹੈ। ਅੱਜ ਯਾਨੀ 1 ਜੂਨ ਤੋਂ LPG ਸਿਲੰਡਰ ਸਸਤਾ ਹੋ ਗਿਆ ਹੈ। ਇਹ ਬਦਲਾਅ ਸਿਰਫ਼ ਕਮਰਸ਼ੀਅਲ ਸਿਲੰਡਰਾਂ ‘ਚ ਹੀ ਹੋਇਆ ਹੈ। ਤੁਹਾਨੂੰ ਦੱਸ ਦੇਈਏ ਕਿ 1 ਮਈ 2023 ਨੂੰ ਵਪਾਰਕ ਸਿਲੰਡਰ ਕਰੀਬ 172 ਰੁਪਏ ਸਸਤਾ ਹੋ ਗਿਆ ਸੀ, ਪਰ ਘਰੇਲੂ ਰਸੋਈ ਗੈਸ ਸਿਲੰਡਰ ਦੀ ਕੀਮਤ ਵਿੱਚ ਕੋਈ ਬਦਲਾਅ ਨਹੀਂ ਕੀਤਾ ਗਿਆ ਸੀ। ਅੱਜ ਦਿੱਲੀ ਵਿੱਚ ਇੱਕ ਵਾਰ ਫਿਰ ਵਪਾਰਕ ਸਿਲੰਡਰ 83.5 ਰੁਪਏ ਸਸਤਾ ਹੋ ਕੇ 1773 ਰੁਪਏ ਹੋ ਗਿਆ ਹੈ। 1 ਮਈ, 2023 ਨੂੰ, ਦਿੱਲੀ ਵਿੱਚ ਘਰੇਲੂ ਐਲਪੀਜੀ ਸਿਲੰਡਰ ਦੀ ਕੀਮਤ 1103 ਰੁਪਏ ਸੀ ਅਤੇ ਇਹ ਅੱਜ ਵੀ ਉਸੇ ਰੇਟ ‘ਤੇ ਉਪਲਬਧ ਹੈ। 19 ਕਿਲੋ ਦਾ ਕਮਰਸ਼ੀਅਲ ਐਲਪੀਜੀ ਸਿਲੰਡਰ ਹੁਣ ਦਿੱਲੀ ਵਿੱਚ 1773 ਰੁਪਏ ਵਿੱਚ ਸਸਤੇ ਰੇਟ ਉੱਤੇ ਵਿਕ ਰਿਹਾ ਹੈ। ਅੱਜ ਯਾਨੀ 1 ਜੂਨ ਤੋਂ ਕੋਲਕਾਤਾ ਵਿੱਚ 1875.50, ਮੁੰਬਈ ਵਿੱਚ 1725 ਅਤੇ ਚੇਨਈ ਵਿੱਚ 1937 ਪ੍ਰਾਪਤ ਹੋ ਰਿਹਾ ਹੈ। ਵਪਾਰਕ ਸਿਲੰਡਰ ‘ਚ ਅੱਜ 83.50 ਰੁਪਏ ਦੀ ਇੱਕ ਹੋਰ ਰਾਹਤ ਮਿਲੀ ਹੈ। ਕੋਲਕਾਤਾ ‘ਚ ਹੁਣ ਸਿਲੰਡਰ 1960.50 ਰੁਪਏ ਤੋਂ 85 ਰੁਪਏ ਸਸਤਾ ਹੋ ਕੇ 1875.50 ਰੁਪਏ ਹੋ ਗਿਆ ਹੈ। ਮੁੰਬਈ ‘ਚ ਇਹ 1808.5 ਰੁਪਏ ਤੋਂ 1725 ਰੁਪਏ ਤੱਕ 83.50 ਰੁਪਏ ਸਸਤਾ ਹੋ ਗਿਆ ਹੈ। ਜਦਕਿ ਚੇਨਈ ‘ਚ ਇਹ 2021.50 ਰੁਪਏ ਤੋਂ ਘੱਟ ਕੇ 84.50 ਰੁਪਏ ਤੋਂ 1937 ਰੁਪਏ ‘ਤੇ ਆ ਗਿਆ ਹੈ।