ਕਾਠਮੰਡੂ- ਨੇਪਾਲ ਪੁਲੀਸ ਨੇ ਰੁਪਨਦੇਹੀ ਜ਼ਿਲ੍ਹੇ ਵਿੱਚ ਦੋ ਭਾਰਤੀ ਨਾਗਰਿਕਾਂ ਸਮੇਤ ਤਿੰਨ ਨਸ਼ਾ ਤਸਕਰਾਂ ਨੂੰ ਗ੍ਰਿਫਤਾਰ ਕੀਤਾ ਹੈ। ਨੇਪਾਲ ਪੁਲੀਸ ਦੇ ਬਿਆਨ ਅਨੁਸਾਰ, ਸ਼ੁੱਕਰਵਾਰ ਨੂੰ ਇੱਕ ਮੁਹਿੰਮ ਦੌਰਾਨ ਇਕਬਾਲ ਖਾਨ (50), ਵਾਸੀ ਅਮੇਠੀ ਮੁਸਾਫਿਰਖਾਨਾ, ਯੂਪੀ ਅਤੇ ਰਾਮ ਦਿਆਲ ਸ਼ਰਮਾ (34), ਵਾਸੀ ਸਿਧਾਰਥਨਗਰ ਥਾਣਾ, ਚਤਾਰਾ ਅਤੇ ਸਰਾਜੂਦੀਨ ਮੁਸਲਮਾਨ (24), ਵਾਸੀ ਲੁੰਬਿਨੀ ਨਗਰਪਾਲਿਕਾ, ਰੁਪਨਦੇਹੀ ਜ਼ਿਲ੍ਹਾ, ਨੇਪਾਲ ਨੂੰ ਗ੍ਰਿਫਤਾਰ ਕੀਤਾ ਗਿਆ। ਪੁਲੀਸ ਨੇ ਦੱਸਿਆ ਕਿ ਕਾਠਮੰਡੂ ਵਿੱਚ ਨੇਪਾਲ ਪੁਲੀਸ ਦੇ ਐਂਟੀ-ਨਾਰਕੋਟਿਕ ਬਿਊਰੋ ਨੇ ਇੱਕ ਗੁਪਤ ਸੂਚਨਾ ਦੇ ਆਧਾਰ ‘ਤੇ ਇਹ ਮੁਹਿੰਮ ਚਲਾਈ ਸੀ। ਪੁਲੀਸ ਨੇ ਦੱਸਿਆ ਕਿ ਮੁਹਿੰਮ ਦੌਰਾਨ ਇੱਕ ਭਾਰਤੀ ਨਾਗਰਿਕ ਨੇ ਗੋਲੀ ਚਲਾ ਦਿੱਤੀ। ਗੋਲੀਬਾਰੀ ਦੌਰਾਨ ਇਕਬਾਲ ਖਾਨ ਦੇ ਖੱਬੇ ਪੈਰ ਦੇ ਗੋਡੇ ਤੋਂ ਹੇਠਾਂ ਗੋਲੀ ਲੱਗੀ।
ਜ਼ਖਮੀ ਭਾਰਤੀ ਨਾਗਰਿਕ ਨੂੰ ਡਾਕਟਰੀ ਇਲਾਜ ਲਈ ਲੁੰਬਿਨੀ ਪ੍ਰੋਵਿੰਸ਼ੀਅਲ ਹਸਪਤਾਲ ਲਿਜਾਇਆ ਗਿਆ। ਪੁਲੀਸ ਨੇ ਮੁਹਿੰਮ ਦੌਰਾਨ 300 ਗ੍ਰਾਮ ਹੈਰੋਇਨ, ਇੱਕ ਪਿਸਤੌਲ ਅਤੇ ਦੋ ਗੋਲੀਆਂ, ਇੱਕ ਮੋਟਰਸਾਈਕਲ ਅਤੇ ਦੋ ਮੋਬਾਈਲ ਫੋਨ ਬਰਾਮਦ ਕੀਤੇ ਹਨ। ਜ਼ਿਲ੍ਹਾ ਪੁਲੀਸ ਰੁਪਨਦੇਹੀ ਨੇ ਗ੍ਰਿਫਤਾਰ ਕੀਤੇ ਗਏ ਦੋ ਵਿਅਕਤੀਆਂ ਨੂੰ ਹਿਰਾਸਤ ਵਿੱਚ ਲੈ ਲਿਆ ਹੈ।