ਮੁੰਬਈ: ਬ੍ਰਿਟੇਨ ਦੇ ਸ਼ਾਹੀ ਜੋੜੇ ਪ੍ਰਿੰਸ ਵਿਲੀਅਮ ਅਤੇ ਉਨ੍ਹਾਂ ਦੀ ਪਤਨੀ ਕੇਟ ਮਿਡਲਟਨ ਦਾ ਮੁੰਬਈ ਦੌਰੇ ਦੌਰਾਨ ਇੱਕ ਬੇਹੱਦ ਖ਼ਾਸ ਅਤੇ ਦੇਸੀ ਅੰਦਾਜ਼ ਦੇਖਣ ਨੂੰ ਮਿਲਿਆ। ਆਪਣੀ ਪਤਨੀ ਕੇਟ ਮਿਡਲਟਨ ਨੂੰ ਮੁੰਬਈ ਦੀ ਖ਼ਾਸ ਸੈਰ ਕਰਵਾਉਣ ਲਈ ਪ੍ਰਿੰਸ ਵਿਲੀਅਮ ਖ਼ੁਦ ਡਰਾਈਵਰ ਬਣ ਗਏ ਅਤੇ ਉਨ੍ਹਾਂ ਨੇ ਈ-ਰਿਕਸ਼ਾ ਚਲਾ ਕੇ ਸਭ ਦਾ ਦਿਲ ਜਿੱਤ ਲਿਆ।
ਮਿਲੀ ਜਾਣਕਾਰੀ ਅਨੁਸਾਰ, ਸ਼ਾਹੀ ਜੋੜੇ ਨੇ ਜਦੋਂ ਵਾਤਾਵਰਣ ਪੱਖੀ ਆਵਾਜਾਈ (Eco-friendly transport) ਨੂੰ ਉਤਸ਼ਾਹਿਤ ਕਰਨ ਵਾਲੇ ਇਸ ਈ-ਰਿਕਸ਼ਾ ਨੂੰ ਦੇਖਿਆ, ਤਾਂ ਪ੍ਰਿੰਸ ਵਿਲੀਅਮ ਨੇ ਖ਼ੁਦ ਇਸ ਨੂੰ ਚਲਾਉਣ ਦੀ ਇੱਛਾ ਜਤਾਈ। ਇਸ ਦੌਰਾਨ ਕੇਟ ਮਿਡਲਟਨ ਪਿਛਲੀ ਸੀਟ ‘ਤੇ ਬੈਠ ਗਈ ਅਤੇ ਪ੍ਰਿੰਸ ਵਿਲੀਅਮ ਨੇ ਬੜੇ ਉਤਸ਼ਾਹ ਨਾਲ ਈ-ਰਿਕਸ਼ਾ ਦਾ ਹੈਂਡਲ ਸੰਭਾਲਦਿਆਂ ਸਵਾਰੀ ਦਾ ਆਨੰਦ ਮਾਣਿਆ।
ਸ਼ਾਹੀ ਪ੍ਰੋਟੋਕੋਲ ਤੋਂ ਹਟ ਕੇ ਇਸ ਸਧਾਰਨ ਅਤੇ ਦਿਲਕਸ਼ ਅੰਦਾਜ਼ ਦੌਰਾਨ ਦੋਵੇਂ ਕਾਫ਼ੀ ਖ਼ੁਸ਼ ਨਜ਼ਰ ਆ ਰਹੇ ਸਨ। ਇਸ ਖ਼ਾਸ ਪਲ ਦੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਸੋਸ਼ਲ ਮੀਡੀਆ ‘ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀਆਂ ਹਨ, ਜਿੱਥੇ ਲੋਕ ਪ੍ਰਿੰਸ ਵਿਲੀਅਮ ਦੀ ਸਾਦਗੀ ਅਤੇ ਆਪਣੀ ਪਤਨੀ ਪ੍ਰਤੀ ਉਨ੍ਹਾਂ ਦੇ ਇਸ ਪਿਆਰੇ ਅੰਦਾਜ਼ ਦੀ ਰੱਜ ਕੇ ਤਾਰੀਫ਼ ਕਰ ਰਹੇ ਹਨ।
