ਨਵੀਂ ਦਿੱਲੀ- ਭਾਰਤੀ ਫੌਜ ਲਈ ਤਿੰਨ ਅਪਾਚੇ ਏਐਚ-64ਈ ਅਟੈਕ ਹੈਲੀਕਾਪਟਰਾਂ (Apache AH-64E attack helicopters) ਦਾ ਪਹਿਲਾ ਬੈਚ ਮੰਗਲਵਾਰ ਨੂੰ ਭਾਰਤ ਪਹੁੰਚ ਗਿਆ ਹੈ। ਅਮਰੀਕੀ ਕੰਪਨੀ ਬੋਇੰਗ (US company Boeing) ਵੱਲੋਂ ਬਣਾਏ ਗਏ ਹੈਲੀਕਾਪਟਰਾਂ ਨੂੰ ਅਮਰੀਕਾ ਤੋਂ ਸੋਵੀਅਤ ਮੂਲ ਦੇ ਡਿਜ਼ਾਈਨ ਵਾਲੇ ਏਐਨ-124 ਕਾਰਗੋ ਜਹਾਜ਼ ‘ਤੇ ਲਿਆਂਦਾ ਗਿਆ ਹੈ।
ਅਪਾਚੇ ਹੈਲੀਕਾਪਟਰਾਂ ਨੂੰ ਲੈ ਕੇ ਇਹ ਜਹਾਜ਼ ਹਿੰਡਨ ਏਅਰਬੇਸ ‘ਤੇ ਉਤਰਿਆ। ਭਾਰਤੀ ਫੌਜ ਨੇ ਛੇ ਅਪਾਚੇ ਅਟੈਕ ਹੈਲੀਕਾਪਟਰਾਂ ਦੀ ਖਰੀਦ ਲਈ 2020 ਵਿੱਚ ਅਮਰੀਕਾ ਨਾਲ 5,691 ਕਰੋੜ ਰੁਪਏ ਦੇ ਸੌਦੇ ‘ਤੇ ਦਸਤਖ਼ਤ ਕੀਤੇ ਸਨ।ਸ਼ੁਰੂ ਵਿਚ ਇਨ੍ਹਾਂ ਦੀ ਡਿਲੀਵਰੀ 2024 ਦੇ ਅੱਧ ਵਿੱਚ ਹੋਣ ਦੀ ਉਮੀਦ ਸੀ, ਪਰ ਅਜਿਹਾ ਨਾ ਹੋਇਆ ਤਾਂ ਦੇਰੀ ਕਾਰਨ ਰੱਖਿਆ ਮੰਤਰੀ ਰਾਜਨਾਥ ਸਿੰਘ ਨੇ ਆਪਣੇ ਅਮਰੀਕੀ ਹਮਰੁਤਬਾ ਪੀਟ ਹੇਗਸੇਥ ਨਾਲ ਟੈਲੀਫੋਨ ਕਾਲ ‘ਤੇ ਇਹ ਮੁੱਦਾ ਉਠਾਇਆ ਸੀ। ਬਾਕੀ ਤਿੰਨ ਹੈਲੀਕਾਪਟਰ ਵੀ ਸਾਲ ਦੇ ਅਖ਼ੀਰ ਤੱਕ ਭਾਰਤੀ ਫ਼ੌਜ ਨੂੰ ਮਿਲ ਜਾਣ ਦੀ ਉਮੀਦ ਹੈ।ਇਹ ਹੈਲੀਕਾਪਟਰ ਦੁਸ਼ਮਣ ਦੀਆਂ ਫੌਜਾਂ ਦੇ ਨਾਲ ਹੀ ਜ਼ਮੀਨ ‘ਤੇ ਟੈਂਕਾਂ ਅਤੇ ਪਹਾੜਾਂ ਵਿੱਚ ਪਹੁੰਚਣ ਲਈ ਮੁਸ਼ਕਲ ਬਾਹਰ ਆਦਿ ਥਾਵਾਂ ‘ਤੇ ਦੁਸ਼ਮਣ ਦੇ ਬੰਕਰਾਂ ‘ਤੇ ਹਮਲਾ ਕਰਨ ਲਈ ਦੇ ਸਮਰੱਥ ਹਨ।