ਨਵੀਂ ਦਿੱਲੀ-ਸਾਹਿਤ ਅਕਾਦਮੀ ਵੱਲੋਂ ਅੱਜ ਸਾਲ 2024 ਦਾ ਅਨੁਵਾਦ ਪੁਰਸਕਾਰ ਦੇਣ ਦਾ ਐਲਾਨ ਕੀਤਾ ਗਿਆ ਹੈ ਜਿਸ ਵਿੱਚ ਪੰਜਾਬੀ ਅਨੁਵਾਦ ਲਈ ਚੰਦਨ ਨੇਗੀ, ਹਿੰਦੀ ਲਈ ਪ੍ਰਸਿੱਧ ਆਲੋਚਕ ਮਦਨ ਸੋਨੀ ਤੇ ਅੰਗਰੇਜ਼ੀ ਲਈ ਅਨੀਸੁਰ ਰਹਿਮਾਨ ਸਮੇਤ 21 ਅਨੁਵਾਦਕਾਂ ਦੀ ਚੋਣ ਕੀਤੀ ਗਈ ਹੈ। ਚੰਦਨ ਨੇਗੀ ਨੂੰ ਇਹ ਪੁਰਸਕਾਰ ਪੁਸਤਕ ‘ਤੇਰੇ ਲਈ’ ਵਾਸਤੇ ਦਿੱਤਾ ਗਿਆ ਹੈ। ਸਾਹਿਤ ਅਕਾਦਮੀ ਦੇ ਪ੍ਰਧਾਨ ਮਾਧਵ ਕੌਸ਼ਿਕ ਦੀ ਪ੍ਰਧਾਨਗੀ ਹੇਠ ਅਕਾਦਮੀ ਦੇ ਕਾਰਜਕਾਰੀ ਮੰਡਲ ਦੀ ਮੀਟਿੰਗ ’ਚ ਅੱਜ 21 ਅਨੁਵਾਦਕਾਂ ਦੇ ਨਾਵਾਂ ਨੂੰ ਸਾਹਿਤ ਅਕਾਦਮੀ ਪੁਰਸਕਾਰ 2024 ਲਈ ਮਨਜ਼ੂਰੀ ਦਿੱਤੀ ਗਈ ਹੈ। ਅਕਾਦਮੀ ਵੱਲੋਂ ਜਾਰੀ ਪ੍ਰੈੱਸ ਬਿਆਨ ਅਨੁਸਾਰ ਪੰਜਾਬੀ ’ਚ ਅਨੁਵਾਦ ਲਈ ਚੰਦਨ ਨੇਗੀ ਦੀ ਪੁਸਤਕ ‘ਤੇਰੇ ਲਈ’ ਦੀ ਚੋਣ ਕੀਤੀ ਗਈ ਹੈ। ਹਿੰਦੀ ਦਾ ਪੁਰਸਕਾਰ ਮਦਨ ਸੋਨੀ ਨੂੰ ਯਸ਼ੋਦਰਾ ਡਾਲਮੀਆ ਦੀ ਆਧੁਨਿਕ ਭਾਰਤੀ ਕਲਾਕਾਰ ਸੱਯਦ ਹੈਦਰਾ ਰਜ਼ਾ ਦੇ ਜੀਵਨ ’ਤੇ ਲਿਖੀ ਅੰਗਰੇਜ਼ੀ ਪੁਸਤਕ ਦੇ ਹਿੰਦੀ ਅਨੁਵਾਦ ਲਈ ਦਿੱਤਾ ਗਿਆ ਹੈ। ਅੰਗਰੇਜ਼ੀ ’ਚ ਇਹ ਪੁਰਸਕਾਰ ਅਨੀਸੁਰ ਰਹਿਮਾਨ ਵੱਲੋਂ ਅਨੁਵਾਦਤ ਪੁਸਤਕ ‘ਹਜ਼ਾਰੋਂ ਖਵਾਹਿਸ਼ੇਂ ਐਸੀ’ (ਦਿਵੰਡਰਫੁਲ ਵਰਲਡ ਆਫ ਉਰਦੂ ਗਜ਼ਲਜ਼) ਨੂੰ ਦਿੱਤਾ ਗਿਆ ਹੈ।
ਚੰਦਨ ਨੇਗੀ ਨੂੰ ਪੰਜਾਬੀ ਅਨੁਵਾਦ ਲਈ ਸਾਹਿਤ ਅਕਾਦਮੀ ਪੁਰਸਕਾਰ
